Прославениот ММА тренер Фирас Захаби го допре прашањето што е следно за актуелниот шампион на УФЦ во тешка категорија.
Претходниот викенд Џон Џонс во главната борба на вечерта на настанот УФЦ 309 доминантно го совлада Стипе Миочиќ со технички нокаут во третата рунда и на тој начин го одбрани појасот во тешка категорија, а веднаш по „главниот настан“ во Медисон сквер гарден почнаа шпекулациите за тоа што е следно за „Коски“. И самиот не ја крие својата амбиција да влезе во октагонот со Алекс Переира, додека првиот човек на УФЦ нагласи дека единствена опција е неговото соочување со „привремениот“ шампион Том Аспинал. Фирас Захаби, меѓу другите, ја коментираше целата ситуација.
Прославениот ММА тренер верува дека Џонс лесно би се снашол со „Поатан“, а во исто време тврди дека, според него, Аспинал би го запрел во рок од две рунди.
„Мислам дека Џонс нема да се бори со Аспинал. Еднаш одамна мислев дека ќе се бори и може да го победи, но ги гледав борбите на Аспинал и мислам дека тој е човек кој може да го победи Џонс“, рече главниот тренер на канадскиот Три џим на својот Јутјуб канал, потоа додаде: „Џон не е луд, сака да се бори со Переира, но мислам дека УФЦ нема да му го даде Переира. Тој мора да се бори со Аспинал или ништо. Не мислам дека УФЦ сака Џонс да го победи Переира, и сметам дека ако тоа би се случило, тој ќе го скрши Переира“.
Захаби изрази многу високо мислење за Аспинал, кој според него е непобедлив во моментов.
„Според мене, Аспинал е човекот кој ќе го победи, или ќе го заврши Џонс. Мислам дека никој не може да издржи повеќе од две рунди со Аспинал – никој на светот“, заклучи 44-годишниот тренер.
