Американскиот борец со хрватски корени Стипе Миочиќ не се борел повеќе од три години. Најголемиот во тешка категорија на УФЦ го имаше својот последен натпревар во март 2021 година кога загуби од Френсис Нгану со нокаут во втората рунда.
Стипе за еден месец ќе го прослави 42-от роденден, а доколку се врати во октагонот, тоа веројатно ќе биде само борба против еден од најдобрите ММА борци во светот, Џон Џонс.
Пред неколку недели Боунс на социјалните мрежи објави дека нивниот меч би можел да се одржи во ноември во Медисон сквер гарден, но засега нема официјална потврда од промоцијата.
И поранешниот шампион на УФЦ во тешка категорија, Ренди Котур, верува дека Миочиќ моментално е единствениот борец кој може да го победи Џонс.
„Во моментов Стипе е единствениот борец кој може да го направи тоа. Аспинал има сурова физичка сила, но е сè уште млад. Со текот на времето и тој би можел да стане потежок залак за Џонс, бидејќи станува посилен од борба во борба. Переира допрва треба да се докажува, а не е лесно да се пресели во тешка категорија. Затоа, Миочиќ во моментов е единствениот борец кој може да го победи Џонс“, истакна Ренди Котур и додаде:
„Едно е да ослабеш и да се бориш со помали момци, иако и тоа покренува некои прашања, а друго е да се здебелиш и да се бориш со поголемите момци. А Џон веќе го докажа тоа, бидејќи во текот на кариерата се бореше со поголеми борци“.
