Џон Џонс во последната борба докажа дека е можеби најголемиот ММА борец на сите времиња. Но, за Џамхал Хил, тој можеби е само вкусен залак.
Уште еднаш, ќе забележиме дека кога станува збор за Интернет и зборување зад тастатура или камера, Хил е апсолутен број еден. Џамхал верува дека му нема рамен во полутешка категорија, и покрај тоа што беше нокаутиран од Алекс Переира во последната борба. Ова се случи на настанот УФЦ 300 кој се одржа во април оваа година во Лас Вегас.
Оттогаш Џамхал не престанува да бара изговори и да му се заканува на Бразилецот. Хил требаше да се бори кон крајот на минатиот месец, но се повлече поради повреда. Во моментов нема закажана борба, но верува дека му нема рамен во полутешка категорија и очекува деби во тешка категорија.
„Џон Џонс е легенда во нашиот спорт. Она што го направи во дебито во тешка категорија беше феноменално. Го бришеше подот со Сирил Гане толку брзо и бескомпромисно како да не беше противник. Засега имам само едно име во мојата глава, а тоа е Алекс Переира. Но, кога ќе го нокаутирам, а навистина ќе го нокаутирам без компромиси, ќе размислам што ќе се случи понатаму.
Се разбира, можам да направам борба со Магомед Анкалаев, Јиржи Прохаска, Јан Блахович или којзнае кој друг. Можам да се искачам во тешка категорија и да се соочам со Џон Џонс. Втората опција навистина ми се допаѓа. Џон Џонс и тешкашите се дефинитивно опција. Мислам дека нема некој на моето ниво во полутешка категорија, па зошто да не се обидам со промена“? рече Хил.
View this post on Instagram
