Алекс Волкановски (26-4) продолжува да ја брка шансата за реваншот против Илија Топурија (15-0), откако ја испушти титулата во перо категорија во февруари, забележа три порази во четири меча, иако два од нив беа во лесна категорија против Ислам Махачев (25-1). Тоа ја доведе во прашање неговата иднина во УФЦ, бидејќи многумина се сомневаа дека 35-годишниот Австралиец со македонско потекло изгубил некои од вештините со кои доминираше толку долго во категоријата.
„Илија е голем борец, но да го видиме против следниот Волкановски – вистинскиот Волкановски. Гарантирам дека ќе го видите, а потоа ќе провериме како ќе биде Илија. Не сакам да го потценувам затоа што не велам дека нема што да прави, очигледно е дека има тешки раце и добри вештини, но би сакал да го тестирам против мојата најдобра верзија или против сите други момци на врвот на категоријата. за да се докаже“, коментира „Александар Велики“ за Ол стар.
Првично, планот беше тие двајца да имаат реванш налето на стадионот „Сантијаго Бернабеу“ во Мадрид, но се чини дека идејата пропадна бидејќи дојде крајот на фудбалската сезона во Европа и Реал Мадрид ќе сака да го врати стадионот за само два месеци. Сепак, тоа не значи дека нема да се сретнат некаде, само тоа нема да биде во една од најголемите арени во историјата на ММА“.
