Александар Волкановски долго го посакуваше реваншот со Ислам Махачев во лесна категорија, а УФЦ му овозможи такво нешто на настанот УФЦ 294 кој се одржа вчеравечер во Абу Даби.
Волкановски на првата борба во Перт издржа пет рунди и беше поразен по контроверзна судиска одлука, но овојпат мораше да признае пораз и да му подаде рака на ривалот од кого доби брутален нокаут уште во првата рунда.
Двајцата борци покажаа како треба да се однесуваат професионалци во УФЦ и по една гладијаторска борба, а Волкановски демонстрираше џентлменски манири и со изјавата, но и со потегот во „бекстејџот“.
„Одлична поставеност од негова страна и одличен удар. Тешко ми е, не сакам да губам и тоа навистина боли. Но, тој е голем шампион и ако не се подготвите правилно, гледате што може да ви направи. Тој е толку добар и сите заслуги одат кон него“, изјави Волкановски, кој потоа покажал класа и заминал во боксот на Махачев за лично да му честита за одбранетиот шампионски појас.
Nothing but class from the featherweight champ 👏@AlexVolkanovski shows respect for Makhachev after a tough loss #UFC294 pic.twitter.com/CV0Sw1QSb3
— UFC (@ufc) October 21, 2023
Ultimate competitors.
Makhachev and Volkanovski share a moment backstage after #UFC294 pic.twitter.com/jbFfCCLWvM
— UFC (@ufc) October 21, 2023
