Крвта не е вода, но тоа не значи дека вештините се пренесуваат од генерација на генерација.
Во тоа е убеден внукот на Мухамед Али, Бјаџо Али Волш, кој во светот на мешаните боречки вештини дебитираше со пораз. Волш, кој е постар брат на боксерот Нико Волш, е поранешен модел и американски фудбалер во американското колеџ првенство.
Синоќа беше неговиот прв ММА натпревар, кој беше дел од гала вечерта на „Фјужн фајт лига“. За разлика од неговиот непоразен брат, кој има 5-0 во професионалниот бокс, Бјаџо ја започна борбената кариера со пораз откако се предаде во втората рунда на мечот против другиот дебитант Девин Ротвел.
Борбата започна добро за Бјаџо, успеа да го собори соборецот, но на крајот на вториот дел наследникот на легендата беше далеку поуморен и не можеше да се одбрани од обидот за соборување на Ротвел. Американецот брзо го најде патот до вратот на противникот и го натера да тапка на „давење од позади“.
Бјаџо имаше предност во размената и држењето на телото, но очигледно ќе мора да работи многу повеќе на својата борба на партер доколку сака да продолжи со потфатот во ММА.
