Сегашната состојба во тешка категорија јасно го покажува Александар Усик како апсолутен шампион по неговите победи над Тајсон Фјури, Ентони Џошуа и Даниел Дубоа.
Со првата победа над Фјури, Усик ги освои сите најважни појаси, но откако се откажа од титулата на ИБФ, моментално ги држи титулите во ВБЦ, ВБА и ВБО.
Појасот на ИБФ сега му припаѓа на Даниел Дубоа, кој успешно се врати од поразот од Усик со импресивните победи над Џарел Милер, Филип Хрговиќ и последен Џошуа во септември.
Сред сето ова, се чини дека еден легендарен поранешен шампион планира да се врати и повторно да ја освои титулата, а тоа е Владимир Кличко.
Кличко последен пат боксираше во 2017 година кога загуби од Ентони Џошуа, по што реши да стави крај на кариерата. Пред тоа, една деценија доминираше во тешка категорија и се здоби со статус на еден од најголемите шампиони во историјата.
Во последните месеци се повеќе се шпекулира за неговото враќање, а неговата главна цел е да го собори рекордот на Џорџ Форман и да стане најстариот светски шампион во тешка категорија.
Долгогодишниот промотер на Кличко, Том Лофлер, за „Ринг“ изјави дека 48-годишниот Украинец сериозно размислува за враќање, но само ако му се даде можност да се бори за титулата.
„Владимир е историска личност. Не сакам да шпекулирам за него, но колку што знам, тој сè уште сака борба за титулата“.
„Ако некој може да се врати на негова возраст, тоа е Владимир. Секогаш е во врвна форма, исто како што беше во текот на неговата легендарна серија од 25 одбрани титули“, изјави Леофлер.
Со оглед на тоа што борбата меѓу Кличко и Усик е малку веројатна поради нивното заедничко украинско потекло, можно е Кличко да се сврти кон меч против Дубоа доколку реши да се врати во рингот.
