Рико Верховен, кој е шампион во тешка категорија на Глори, сподели објава на социјалните мрежи во која им се заблагодари на сите околу него и му помогнаа да биде на врвот.
Потсетуваме, Холанѓанецот со технички нокаут го победи Џамал Бен Садик во четвртата рунда на Глори 79: Колишн 3. За Верховен ова беше десетта последователна одбрана на титулата во тешка категорија. Со победата во главниот меч на фајт шоуто во Амстердам (Холандија) ја доби и трилогијата со Бен Садик. До тогаш имаа по една победа.
„Тоа беше тимски напор. Толку многу луѓе се вклучени за да ме доведат во физичка и ментална форма каква што треба да бидам за да се претставам на најдобар начин. Не можам да бидам поблагодарен на сите вас“, напиша легендарниот кикбоксер на својот Инстаграм профил.
