Васо Бакочевиќ – Психо објави дека повеќе нема да се бори според правилата на ММА. Имено, ФНЦ организира настан на 7 септември во Пула како дел од финалето на Фајт оф нејшнс, а црногорскиот борец тврди дека тогаш за последен пат ќе учествува во ММА борба. Противник ќе му биде познатиот борец од загрепска Трнава, Филип Пејиќ-Нитро (16-8-2).
По дури 68 професионални ММА настапи (43-24-1), искусниот Бакочевиќ преку социјалните мрежи објави дека со голем стил ќе ја напушти ММА, а потоа ќе се посвети на боксот без ракавици.
„Мечот меѓу мене и Пејиќ се одржува на 7 септември во пулската арена во рамките на ФОН финалето и, за жал, е според правилата на ММА. Сериозно ќе се подготвам да се одјавам од ММА како доликува, со брутален нокаут. По мечот ќе ги соблечам ракавиците и ќе ги шутнам со ногата преку оградата“, изјави Бакочевиќ на Инстаграм.
На почетокот на годината изјави дека потпишал договор со БКФЦ, водечка боксерска промоција без ракавици. Тој го направи своето деби на БКФЦ 58 во март и постигна победа со мнзинска одлука над Рамадан Ноаман.
Последен пат го видовме на настаните на ФНЦ 17 во Белград на 1 јуни, кога во драматична борба за паметење со едногласна одлука во меч со „голи раце“ го победи Александар Рибеиро.
Во неговиот проштален ММА настап во Пула во септември го чека „Нитро“ Пејиќ, кој последните два натпревари ги одржа под покровителство на ФНЦ. Славеше со прекин во првата рунда на ФНЦ 9 во декември 2022 година, а минатиот мај беше запрен од Рони Маријано Безера со нокаут на ФНЦ 11.
