Израел Адесања ќе добие шанса да стане двоен УФЦ шампион. Претседателот на организацијата Дана Вајт на прес-конференција по УФЦ Вегас 12 рече дека шампионот дo 84 килограми ќе се соочи со Јан Блахович за титулата во полутешка категорија.
„Требаше да го убедам Адесања да се сретне со Витакер, но по неговата последна победа, Витакер рече дека не сака да се бори. Ова е лудо. Немаме спорови со Адесања, и штом Витакер не сака да се бори, Адесања нека се обиде во горната категорија “, рече шефот на УФЦ.
Адесања изрази надеж дека ќе се соочи со Џаред Канониер веднаш по победата над Пауло Коста, но Канониер ја загуби битката со Витакер и ја пропушти својата шанса. Израел пред две години ја однесе титулата во средна категорија од Роберт Витакер со ТКО, но се чини дека ќе чека нивниот реванш.
Блахович има три победи во последните четири борби, а во септември го освои појасот во полутешка категорија со нокаут победа во втората рунда над Доминик Рејес.
