Легендата на руските боречки вештини, Федор Емелијаненко, многумина го сметаат не само за најголемиот самбо борач на сите времиња, туку и за најголемото име што некогаш зачекорило во кафезот на ММА.
Втората изјава е предмет на многу повеќе контроверзи и дискусии, но ако го прашате претседателот на УФЦ, Дана Вајт, Федор е далеку од нивото потребно за да се смета за најголем.
Вајт и Емелијаненко никогаш не биле пријатели и никогаш не работеле заедно. Се разбира, можеме само да замислиме што би можело и би било доколку Последниот император преминеше во пораната фаза од неговата кариера во УФЦ.
Пред две недели Федор го победи Американецот Тим Џонсон на Белатор 269, а неколку дена претходно Русинот изјави дека за Дана Вајт нема ништо поважно од парите.
Вајт, верен на својот стил, не мораше да чека.
„Дали треба да престанам да го гледам како преценет борец затоа што го нокаутира Тим Џонсон?“, изјави претседателот на најкомерцијалната ММА организација.
„Видов дека набрзо зборуваше за мене, дека не ги почитувам борците и дека се е до пари. Како прво, не го ни познавам Федор. Ниту тој ме познава. Се сретнавме еднаш и тоа е тоа.
Мислам само на пари? Требаше повеќе да размислува за пари кога пред извесно време му понудивме договор со УФЦ. Не се ни сеќавам на кој остров бевме и колку беше, но ако прифатеше, ви гарантирам дека немаше да се бори до својата 45 година“, додаде Вајт.
