Бронзениот бомбардер верува дека наскоро може да организира боксерски меч против ММА суперѕвездата Френсис Нгану.
Поранешниот шампион на ВБЦ во тешка категорија Дионтеј Вајлдер ќе се бори со Тајрел Ентони Херндон на 27 јуни.
Неговото враќање ќе дојде една година по неговата последна борба кога загуби од ТКО во петтата рунда од Жилеј Жанг.
По тој пораз во Ријад, многу боксерски стручњаци го советуваа 39-годишниот бронзен бомбардер да размислува за пензија, но тој смета дека сепак има што да му покаже на светот.
Нгану често беше поврзуван со Вајлдер од неговото деби во боксот во октомври 2023 година против Тајсон Фјури. Во меѓувреме, поранешниот шампион на УФЦ боксираше и против Ентони Џошуа. Ги загуби двата меча.
„Не знаеме колку можам да кажам, но сепак се споменува борбата против Франсис. Не толку одамна, за неа се зборуваше двапати“, изјави Дионтеј Вајлдер за Ариел х Аде: Боксинг шоу, а потоа продолжи:
„Се уште е тема на разговор. Се обидуваме да се договориме како сакаме да го организираме нашиот судир. Дефинитивно и двајцата сме заинтересирани. Мислам дека сега се е само прашање на време. Мислам дека се оди во насока да се договори борбата. Сите треба да бидат среќни, а и јас се радувам за тоа“.
