Поранешниот светски шампион на ВБЦ, Дионтеј Вајлдер (43-2-1, 42 КО) ги обвини сите врвни борци во тешка категорија за користење стероиди или друг нелегален допинг.
„За мене, сите момци од првите десет и нагоре, освен мене, прават нешто“, изјави тој за ЕС Њуз. „Не ми требаат такви работи. затоа што го имам она што секој го сака. Имам вера и ударна сила“.
По дебаклот со Тајсон Фјури, бронзениот бомбардер направи долга пауза, но се врати минатиот октомври и го нокаутира Роберт Хелениус за помалку од една рунда.
Сега има се повеќе информации дека Дионтеј би можел да се соочи со Ентони Џошуа (25-3, 22 КО) во декември во Саудиска Арабија.
