Александар Усик, кој е актуелен светски шампион во тешка категорија на ВБА Супер, ВБО, ИБФ и ИБО, ужива во појасите.
Украинецот на социјалните мрежи сподели видео на кое отвори актовка со еден од освоените појаси – оној на ВБО, велејќи дека ова не е полутешка, туку тешка категорија.
„Појасите се тука. Ова не е полутешка категорија“, напиша Усик под видеото кое го постави на својот Инстаграм профил.
Потсетуваме, Александар Усик ги освои појасите на ИБФ, ВБА Супер, ВБО и ИБО во тешка категорија победувајќи го поранешниот шампион – Ентони Џошуа по судиска одлука во негова корист на 25 септември на стадионот на фудбалскиот тим Тотенхем.
Усик е и поранешен шампион во полутешка категорија на ВБО, ВБЦ, ВБА Супер, ИБФ и ИБО.
Олимпискиот шампион во тешка категорија од 2012 година во Лондон има вкупен биланс од 19 победи (13 со нокаут) и ниту еден пораз во професионалниот боксерски ринг.
