Карл Фроч, поранешен професионален британски боксер во средна категорија и сегашен аналитичар и коментатор, ги сподели своите размислувања за можниот трет меч меѓу Ентони Џошуа и Александар Усик.
Џошуа се сретна со Украинецот двапати во последователни борби во 2021 и 2022 година. Иако добро боксираше, двата меча ги загуби со одлука. Британскиот тешкаш изрази вистинска фрустрација што не можеше да се доближи доволно до Усик за успешно да зададе квалитетен удар, особено по вториот меч во кој ги фрли загубените шампионски појаси преку јажињата на рингот. Оттогаш, откако беше отпишан од многумина, тој се врати со четири солидни победи, вклучително и импресивни нокаути во борбите против Роберто Хелениус, Ото Валин и неодамна Френсис Нгану.
На „Фроч он фајтинг“, Фроч ги одмери шансите на Џошуа доколку повторно се соочи со Усика.
„Морам да кажам – Усик. Тој веќе го победи двапати. Кога Усик го зголемува темпото, тој само доминира. Тоа не е тесна борба, Усик е далеку супериорен. Нгану кој ја имаше својата втора борба, што звучи апсурдно. Тој ги гледа противниците во очи, влегува во нивните удари, го ротира телото, затоа го нокаутира Нгану“, рече тој.
Усик моментално е зафатен со подготовките за неговата борба против Тајсон Фјури, бидејќи дуото треба да се состане на 18 мај во обединувачка борба за сите четири светски титули.
