Украинскиот боксер Александар Усик го критикуваше Тајсон Фјури затоа што не сака да се бори против него за сите титули, туку Британецот реши да се бори против Дерик Чисора кој има три порази во последните четири меча.
Усик го обвини Фјури дека намерно избегнува битка со него затоа што знае дека ќе биде поразен.
„Мислам дека сите сакаме борба, но тој бега и зборува дека јас не сакам да се борам со него. Знам дека се плаши од мене. Фјури е опасен борец и многу е паметен. Сакам да се борам против него кога ќе биде возможно“, вели Усик.
Чисора и Фјури ќе се борат на 3 декември оваа година во Лондон, а украинскиот боксер треба да се соочи со Ентони Џошуа, но засега не е позната точната локација.
