Раководството на УФЦ неодамна направи уште еден обид да потпише со најодликуваниот џудист на планетата, трикратниот олимписки шампион Теди Ринер. РМЦ спорт, повикувајќи се на Токио спорт, тврди дека Дана Вајт на Французинот му понудил 15 милиони евра, но ниту таквите суми не успеале да го убедат најдобриот џудист во светот да го промени спортот.
„Морам да се концентрирам на џудото, веќе имам многу повреди. Мојата цел е да победам на Олимписките игри и да ги победам најдобрите во мојата дисциплина“, вели Ринер
Теди Ринер има 34 години и стана легенда со својата долга џудо кариера. Тој е висок преку 2 метри и тежок 150 килограми. Теди беше непоразен повеќе од девет години. Тој ја одржа уникатната победничка серија која вклучува 154 победи.
Пет медали на четири Олимписки игри, од кои три златни, 12 победи на светски првенства, 5 победи на европски првенства – Ринер е навистина најтитуларниот и најпрепознатливиот џудист на планетата. Сепак, дали УФЦ ќе може да го привлече? Само времето ќе покаже.
🥋Le palmarès olympique de Teddy Riner
🥉 Pekin 2008
🥇 Londres 2012
🥇 Rio 2016
🥉 Tokyo 2020 pic.twitter.com/SkzV88OW1d— beIN SPORTS (@beinsports_FR) July 30, 2021
