Саудиска Арабија веќе некое време организира големи боксерски настани, а за тоа најзаслужен е Турки Алалших, главната фигура за спорт и забава во тоа кралство.
А Саудијците имаа прсти и во неодамнешниот боксерски спектакл на Вембли каде Даниел Дубоа го нокаутира Ентони Џошуа во петтата рунда и го одбрани шампионскиот појас на ИБФ во тешка категорија.
Целиот настан во Лондон беше дел од сезоната во Ријад, а пред главниот настан беше дури и интонирана саудиската химна, што само го покажува влијанието што Алалших го има во целата приказна.
Во пресрет на судирот меѓу Артур Бетербиев и Дмитри Бивол, истакнатиот Саудиец откри одлична информација.
„Во февруари повторно ќе го организираме дуелот Квинсбери – Мечрум – „5 на 5“. Наскоро би можеле да ги откријат деталите, а ќе има и големи изненадувања. Мора да видиме како ќе заврши големата борба на 21 декември меѓу Усик и Фјури“, изјави Турки Алалших и додаде:
„Џошуа, Дубоа, Фјури, Усик, сите се во комбинации. Сакаме само големи борби и да видиме кој навистина е најдобриот борец во секоја категорија. Секоја категорија нуди фантастични натпревари“.
Најавата за настанот „Квинсбери – Мечрум 2“ во февруари најверојатно ќе следи сега, а Алалших се чини дека во исто време договара реванш меѓу Дубоа и Џошуа.
Еди Херн, промоторот на Џошуа, веќе неколку пати изјави дека Еј Џеј ќе бара реванш против Дубоа.
