Македонските кикбоксери освоија осум медали на Светскиот куп „Туркиш опен 2016“ во Анталија, кој се одржа викендов, од кои три злата, две сребра и три бронзи.
Како што објавивме вчера златни медали освоија Марија Божиноска во +70 кг во кик лајт (Гладијатор- Скопје), Бобан Илиоски -75 кг во лоу кик (Шампион Скопје), а им се придружи и Таки Гогов – 89 кг во кик лајт (Будо Велес).
Сребрени медали освоија: Блашко Петкоски -74 кг- кик лајт (Сен Сеи Гостивар), Александар Димовски +91кг – (Самурај Битола).
Бронзени се: Софијана Марковска -60 кг – кик лајт (Гладијатор Скопје), Дарко Најдов -63 кг – кик лајт (Гладијатор Скопје) и Роберт Костовски -63 кг – кик лајт (Гладијатор Неготино).
На турнирот учествуваа 1083 спортисти од 12 земји од целиот свет.
Од таборот на нашиот состав велат дека кикбоскерите се претставиле во одлично светло, а ќе биле уште поуспешни доколку не била пристрасноста на судиите спрема домашните претставници, поради судиска неправда останале без медали.
Ipon.mk/В. Д.
