Топурија веќе со месеци има големи планови кои ги најавува на сите ѕвона, а ако навистина толку го отпиша Волкановски може да му се удри од глава.
Следната недела настанот УФЦ 298 ќе го предводат шампионот Александар Волкановски и Илија Топурија. По вториот пораз од Махачев Волкановски се враќа во матичната перо категорија, каде го чека многу опасен борец, а Топурија најавува големи работи по повод овој настан.
Топурија пред некој ден изјави дека сака или да го нокаутира шампионот во првата рунда или целосно да доминира со него, а вчера гостуваше на „ММА час“ каде рече дека по победата над Волкановски го сака Мек Грегор:
„Разговарате со најдобриот борец во светот во моментов. Јас сум најдобар, тој е исто еден од најдобрите. Треба да му ја дадете таа заслуга. Беше одличен шампион, прв на рангирањето „П4П“. Тој беше еден од најдобрите. Јас ќе бидам тој што ќе му ја донесам лошата вест на 17 февруари. Тој е стар, време е да си оди. Време е за нова генерација, тој е веќе изгубен. Ги има сите знаци дека треба да се пензионира“, рече Топурија и продолжи:
„Конор Мек Грегор е борбата што ја сакам. Во моментов има добра борба против Мајк Чендлер, па ако не го скрши, со задоволство ќе го поделам кафезот со него. Можеби кога ќе дојде УФЦ во Шпанија, двајцата сме во Европа. Топурија ќе ве одржи богат“, додаде тој.
Топурија веќе со месеци има големи планови кои ги најавува на сите ѕвона, а ако навистина толку го отпиша Волкановски, тоа може да му се удри од глава. Се надеваме дека не е така и дека се подготвил како што треба, и дека ќе даде голема борба. Пристигнува следната недела, па едвај чекаме!
