Триесетитригодишниот Французин Тони Јока го загуби вториот меч по ред. Поранешниот олимписки и светски шампион на боксерскиот настан во париската Акор арена загуби со поделена одлука од Карлос Такам по десет рунди.
Последната победа Јока ја имаше во септември 2021 година потив Хрватот Петар Милас со прекин во седмата рунда, а минатата година загуби од Мартин Баколе.
На настанот во саботата Такам го надбоксира Јока. Веќе по првите три рунди беше јасно кој ќе доминира на мечот.
Такам цело време го притискаше противникот и не му даде ниту еден момент одмор. Јока заработи расекотина над левото око на крајот од петтата рунда.
На почетокот на шестата рунда Тони за прв пат извонредно го погоди Такам. Десната рака му падна на брадата на Карлос и изгледаше дека крајот на натпреварот може да биде возбудлив. Но, тоа не се случи.
Такам продолжи да го контролира мечот, на крајот победи со поделена одлука.
Двајца судии му дадоа предност на Карлос (96-94), додека третиот по малку необјасниво бодуваше во корист на Тони (96-94).
Карлос Такам на тој начин стигна до својата 40-та победа во кариерата по двата порази во низа (Џо Џојс и Арсланбек Махмудов).
