Утре во Бутел со почеток се одржува Државното џудо првенство за сениори и пионери во техничка организација ЏК Радишани предводен од Игор Станојоски – Шате.
Овој повод Станојоски го користи пред своите џудисти, другари и пријатели од Бутела да се прости од активната џудо кариера која трае со децену. Популарниот Шате утре на 47 години ќе каже збогум на активната кариера зачинета со многу титули.
Во кариерата има освоена 10 титули – 6 во сениорска конкуренција, 2 во јуниори и 2 во кадети. На балканските првенства има освоено две бронзи во 2016 и 2017 година и со тоа е еден од најтројените македонски џудисти. Битно е да се и стакне дека бронзата на Балканското првенство во 2016 година е првиот сениорски медал за Македонија на шампионатите на Балканот.
Можеби се и повеќе, но кога ќе има време за сумирање на бројот на освоени медали.
„Прво сакам да ве поканам сите, бидејки ќе настапам и јас на свои 47 години. Титула државен шампион во џудо не ми фали бидејки сум многукратен државен првак, само сакам симболично за последен пат да влезам на борилиштето на едно Државно сениорско првенство. Сениорските борби започнуваат некаде кај 12 часот“, пишува на Фејсбук Шате, додавајќи дека првенството ќе се одржи во салата „Антон Димитров”, зад општинската зграда.
„Чест ми е што технички организатор на ова државно првенство е Џудо клубот Радишани, со голема помош од страна на Џудо федерацијата на Македонија. Главен покровител е Општина Бутел“, истакнува Игор.
Вештините стекнати во џудото Шате ги користи и како припадник на специјалните сили САЕ „Тигар“.
