Познатиот боксерски тренер и член на Куќата на славните Теди Атлас е импресиониран од силата и вештините на Диего Пачеко.
Непоразениот американско-мексикански боксер минатиот викенд стигна до 22-рата победа во кариерата со нокаут во шестата рунда против Полјакот Мациеј Сулецки.
Пачеко има фантастична серија зад себе и сега многумина го сметаат за еден од најголемите боксерски таленти во светот.
Тој си постави висока цел, а тоа е борба против мексиканската мегаѕвезда Канело Алварез.
Еден од најценетите боксерски коментатори вели дека за Канело би било мудро да се држи настрана од Пачеко, кој е во подем.
„Не велам дека се плаши, но Пачеко претставува лоша комбинација и стилски не се поклопува со Канело, барем во овој момент“, изјави Теди Атлас, а потоа додаде:
„Канело е одличен, силен и постигна големи работи во кариерата. Но, кога ќе почнете да стареете, малку се забавувате во одредени области, а првиот проблем се нозете. Тешко е кога не можете да се движите како порано, а физичкиот стил на Пачеко би бил како поглавје од кошмар за Канело“.
