Се чини дека Тајсон Фјури повторно падна во психолошка дупка откако пропаднаа преговорите за борба со Александар Усик и неговите опции драстично се намалија. Сепак, за прв пат темата за неговото пензионирање ја покрена претседателот на Топ ранг – Боб Арум.
„Не знам дали Тајсон Фјури веќе има идеја што да прави“, изјави Арум за Боксинг њуз.
„Ромскиот крал“ веќе еднаш се најде во слична ситуација по триумфот над Владимир Кличко во 2015 година. Тој помина повеќе од две и пол години во самотија, а потоа откри дека водел тешка битка со депресијата и злоупотребата на опијати. . Во 2018 година се врати во рингот и брзо стигна до меч за титулата на ВБЦ со Дионтеј Вајлдер за да создаде еден од најголемите спектакли во поновата историја на спортот. Следуваше уште едно искачување на врвот, а летото 2022 година најави пензионирање. Неговите намери тогаш биле краткотрајни и го прифати предизвикот на Дерек Чисора, а веднаш потоа стапи во преговори со Усик.
.@BobArum tells @BoxingNewsED he is uncertain when @Tyson_Fury will fight again.
🔗 https://t.co/FBCUQmwO10 pic.twitter.com/Wad6ZiQgo5
— Boxing News (@BoxingNewsED) May 18, 2023
Угледот на Фјури доби сериозен удар откако го загуби вербалниот спаринг со Украинецот. Јавно му постави низа барања на противникот и за разлика од сите досегашни противници доби соодветен одговор на секој од нив. Конечно, таборот на Александар ја повлече линијата и објави дека ги напуштаат преговорите поради Британцот.
Во текот на изминатите неколку месеци, имаше многу гласини за можниот следен противник на Тајсон Фјури. Меѓу имињата беа и Енди Руиз, Ентони Џошуа, па дури и Кубрат Пулев. Во моментов, сепак, нема развој на оваа тема и зборовите на Боб Арум доаѓаат во време кога неговиот најголем клиент е на раскрсница.
