Првите тешкаши Александар Усик и Тајсон Фјури се подготвуваат за реванш, кој е закажан за 21 декември во Саудиска Арабија.
Тоа ќе биде нивни втор судир откако Украинецот го победи Кинг Џипси со поделена одлука во средината на мај и стана апсолутен шампион во кралската дивизија.
Тоа беше прв пораз во кариерата на Фјури, а веднаш по борбата побара реванш против Усик. Но, поранешниот шампион не беше обесхрабрен од поразот.
Британецот ја нарече борбата во мај „фер победа на Усик“, а тој вети дека за возврат ќе биде „малку повеќе фокусиран“ на противникот.
„На сите им е јасно дека секој мој реванш завршува на ист начин – го нокаутирам противникот“, изјави Тајсон Фјури и додаде:
„Против кого се борев повеќе пати, тој беше нокаутиран во реваншот. Предвидувам дека нешто слично ќе се случи и во втората борба против Усик“.
Кралот на Ромите верува дека борбата ќе се одвива како што сака, а на кампот добро ќе се подготви за реваншот. Нагласува дека нема премногу да ги отежнува подготовките.
„Имам добар план за подготовка и сега ми останува само да тренирам напорно, да јадам правилно, рано да легнам и рано да се разбудам, да ги правам вистинските работи, да ги слушам луѓето околу мене, а остатокот е во Божји раце“, нагласи Тајсон Фјури.