Тајсон Фјури се соочи со потешки тестови надвор од боксерскиот ринг отколку кога било во него.
Откако го претрпе првиот пораз во својата славна кариера, „Џипси Кинг“ се враќа во рингот на 21 декември за еден од најочекуваните реванш натпревари во модерната боксерска историја. Во рингот во Кингдом арената во Ријад, Саудиска Арабија, Фјури ќе се соочи со актуелниот и бранител на титулата светски шампион во тешка категорија на ВБО, ВБА и ВБЦ, Александар Усик.
Фјури и Усик првпат се сретнаа во мај и направија интересна борба од 12 рунди во која Украинецот победи со оспоруваната поделена одлука и стана првиот неприкосновен носител на титулата во тешка категорија во повеќе од две децении.
Веднаш по мечот Фјури го изрази незадоволство од бодувањето и сугерираше дека поврдата што ја доби за време на мечот го чини неговиот непоразен скор и појасот на ВБЦ во тешка категорија.
Тоа беше разочарувачки резултат за британската ѕвезда, но Фјури преживеал и полоши работи.
Боксот е „само играчка“ во споредба со траумите доживеани надвор од рингот
Зборувајќи за ДАЗН пред неговата 36-та професионална борба, Фјури зборуваше за пеколот низ кој минал – не само во рингот, туку и надвор од него.
„Не го сметам боксот како мојата најголема победа“, рече Фјури. „Се вратив од самоубиство. Се вратив од длабочините на очајот. Така, да излезеш таму и да ми платат еден куп пари за да одработиш боксерски меч со некој кловн или кој било друг боксер е детска игра во споредба со она што го поминав. Да, овој бокс е само игра за мене во споредба со она низ што морав да поминам, разбирате ли“?
Фјури влегува во реваншот со Усик со скор од 34-1, а 24 од неговите победи се со нокаут.
