Светскиот шампион во тешка категорија на ВБЦ, Тајсон Фјури подели прекрасни вести со qубителите на боксот.
„Kралот на Ромите“ изјави дека добил договор во кој има неколку понуди од различни земји кои би сакале да го организираат супер мечот меѓу него и Ентони Џошуа.
Претходно оваа недела, британскиот промотор Еди Херн изјави дека конечната одлука за локацијата на големиот настан ќе треба да ја донесат главните ликови.
И, ако пред неколку дена Фјури не звучеше толку сигурен за светлата иднина на средбата, тогаш неговите последни реакции се здив за неговите милиони фанови.
„Само што добив големи вести“, рече Фјури во видеото на Твитер.
„Имаме три или четири сериозни предлози за борбата. Интерес има од Саудиска Арабија, Катар, Узбекистан, Русија, САД, Англија. Навистина големи понуди.
Let me smash this big useless DOSSER. pic.twitter.com/fi5SpeYggu
— TYSON FURY (@Tyson_Fury) April 9, 2021
„Ќе ги погледнам сите во недела и се надевам дека ќе постигнеме договор. Сакам да го скршам овој бездомник“, додаде 32-годишниот Тајсон.
Шампионот на ВБЦ не се борел од февруари 2020 година, кога го прегази Дионтеј Вајлдер.
