Шампионот на ВБЦ во тешка категорија Тајсон Фјури (33-0) изјави дека никогаш нема да се соочи во рингот со поранешниот шампион на ВБА, ИБФ и ВБО во тешка категорија, Ентони Џошуа (26-3). Истакна и дека ако неговата борба со шампионот на ВБА, ИБФ и ВБО во тешка категорија Александар Усик (20-0) пропадне, тој ќе се бори со поранешниот шампион на УФЦ во тешка категорија Френсис Нгану (17-3).
„Нема ни да разговарам за оваа борба. Се е готово. Нема интерес за Еј Џеј. Крај. Тој е мртов во моите очи. Нема никаква врска меѓу мене и него. Сè заврши. Никогаш нема да има борба“, изјави Фјури за Спортбајбл.
„Мојата понуда до Нгану стои. Ако Усик не се бори тогаш ќе барам можност да се борам со Нгану. Ќе склучам договор за две борби – во боксерскиот ринг и во кафезот. Никогаш не сум се борел Нгану во рингот. Секогаш велев дека можеме да се сретнеме во кафез. Да се бориш со него во рингот е бесмислено. Тоа е како да се карате со некој во локалната теретана. Но, во кафез можеме да се бориме со ракавици“, додаде Фјури.
Борбата за обединување меѓу Усик и Фјури би можела да се одржи напролет. Џошуа ќе се соочи со Џермејн Френклин (21-1) на 1 април во О2 арената во Лондон, Велика Британија.
