Светската боксерската федерација ИБА го објави календарот на најголемите боксерски натпревари за 2023 година.
Главните настани секако ќе бидат Светското првенство за сениори од 1 до 14 мај 2023 година во Ташкент (Узбекистан) и Светското првенство за сениорки во Њу Делхи (Индија) од 15 до 31 март 2023 година.
Светската боксерска федерација ИБА ги удвои наградите и на светското првенство ќе обезбеди парична награда од 200.000 долари за златните освојувачи и новите светски шампиони во сите категории, 100.000 долари за сребро и 50.000 долари за носителите на бронзени медали.
Од големо значење ќе бидат и Европските игри во Краков (Полска) од 21 јуни до 2 јули 2023 година, кои ќе бидат и европски квалификации за Олимписките игри во Париз во 2024 година.
Целиот натпреварувачки календар за следната година погледнете го ТУКА.
