Европското првенство во Самбо во Екатеринбург е предвидено да се одржи од 27 до 29 ноември, соопшти Меѓународната самбо федерација.
Првенството првично беше предвидено да се одржи од 21 до 25 мај, но беше одложено за септември поради пандемијата на коронавирусот. Сега Меѓународната централа има намера да го организира Европското првенство на крајот на ноември, кога се очекува ситуацијата со коронавирусот да се нормализира.
„Никој не знае како ќе се развива ситуацијата со коронавирусот во иднина, така што е многу тешко за организаторите да планираат нешто. Некои ги одложуваат турнирите на други датуми, некои ги откажуваат целосно. Се разбира, сите ние ја сфаќаме важноста на натпреварите за самбистите. Сепак, здравствената состојба на спортистите и на сите учесници на натпреварите е најважна“, рече претседателот на светската федерација Васили Шестаков.
