Група од неколку национални федерации, вклучувајќи ги и оние на САД и Велика Британија, во четвртокот објавија дека ја напуштаат Меѓународната боксерска асоцијација (ИБА) и формираат алтернативна федерација која ќе помогне да се задржи боксот на олимписката програма.
На прес-конференција, челниците на новата организација, која е регистрирана во Швајцарија и ќе се вика World Boxing, изјавија дека ќе бараат признание од Меѓународниот олимписки комитет (ИОК).
Земјите кои во оваа фаза влегуваат во новата организација се оние кои се приклучија на бојкотот на светските првенства во машка и женска конкуренција поради приемот на натпреварувачи од Русија и Белорусија. Меѓу нив се Канада, Холандија, Шведска и Чешка. Сите тие не се согласуваат со постапките на ИБА, со која раководи рускиот олигарх Умар Кремлев.
Во меѓувреме, ИБА го повика МОК да го одземе статусот на олимписки квалификации на претстојните летни Европски игри во Полска. На форумот ќе бидат распределени првите квоти за Олимписките игри во Париз следната година, додека такви квоти нема да има за мажите на Светското првенство во Узбекистан.
