Познати се финалистите на третото издание ФФЦ Фјучерс 3 по две извонредни кола, кои се одржаа во вчера во салата„Сутинска врела“ во Загреб. Овој настан го проследија голем број на љубители на овие спортови. Нашиот Виктор Стојанов во ММА до 70 килограми во полуфиналето загуби со едногласна одлука на судиите од Босанецот Немања Миљаковиќ.
Така Миљаковиќ во финалето ќе се бори против сонародникот Владимир Продановиќ.Во другите финални борби на ММА ќе се сретнат: – 77 кг. Стефан Звијер (БиХ) – Тилен Коларич (Словенија), – 84 кг. Марио Марковиќ(Хрватска) – Бруно Гуштовиќ (Хрватска), ММА –93 кг. Виктор Васиќ (БиХ) – Ивица Тадијанов (Хрватска) и во супер тешка Фахрудин Феризовиќ (БиХ) – Мате Зенати (Унгарија). Во кик бокс: – 70 кг. Валентин Рибалко (Украина) – Никола Цимеша (Србија), – 77 кг. Марко Драговиќ (Србија) – Дезцо Бакач (Унгарија) и – 85 кг. Никита Чуб (Украина) – Марин Чарапина (БиХ).
