Наташа Стефановска (-61 кг), Жарко Арсовски (+84 кг) и Берат Јакупи(-84 кг) ги освоија бронзените медали на Карате 1 Премиер лигата во Слазбург.
Стефановска од Макпетрол со 2-1 ја совлада Украинката Анта Серогина, а Јакупи од Асиарт со Хрватот Иван Квесиќ победи со судиско изјаснување откако борбата заврши 0-0.
Исто така и борбата на Арсовски (Макпетрол) заврши нерешно со Харис Сујковиќ (БиХ) 1-1 и со судиско изјаснување победата му припадна нашиот каратист. Со ова Арсовски си обезбеди место во репрезентацијата за Европското првенство во Монпелје, Франција.
Денеска најпрво женскиот ката тим го освои бронзениот медал победувајќи ја Канада со 5-0.
Ipon.mk/В. Д.
