На годишното Собрание на ВАКО што вчера се одржа во Анталија, Турција, на околу 30 отсто од Статутот на Светската кик бокс федерација се изгласани измени, а тоа подразбира дека и националните федереции ќе треба да го направат истото, односно да ги усогласат статутите со ВАКО.
Претседателот на Кик бокс маитаи федрецаијата на Македонија, Дејан Митровски – Урко не извести дека сите одлуки на Собранието поминале скоро со еногласна одлука, со поедини исклучоци
„Се одржа и состанок со медитеранските земји на кој беше поканета и Македонија, официјално пред основачката собраниска средба за основање на Медитеранска федерација за организирање на медитерански првенства. Се разговараше околу условите како и кои дисциплини, возраст и категории ќе бидат застапени на Медитеранските првенства“, рече Митровски и додаде:
„Најверојатно во прво време ќе бидат К-1 и поинт –фајт, а подоцна да ги вклучиме фул контакт и кик лајт. Бидејќи европските земји се посилни и повеќе работат К-1, а арапските земји фул контакт“.
За претседател на Медитеранската федерација е изгласан Селим Кајичи од Турција, како и тројца потпретседатели. Од кои еден е од Европа – Донато Милано од Италија, еден од Азија – Самир Атама од Палестина и еден од Африка – Дирис Хилалил од Мароко.
