Еден од најдобрите ММА борци Џон Џонс се подготвува за своето деби во тешка категорија повеќе од една ипол година.
Малку се информациите за тоа како течат подготовките на Боунс, а уште помалку се знае за неговите планови.
Но, некои фотографии или видеа од тренингот на Џонс покажуваат дека поранешниот шампион во полутешка категорија добил мускулна маса, која навистина ќе му биде потребна во борбата со најсилните борци во УФЦ.
Еден од спаринг-партнерите на Боунс, ветеранот на УФЦ, Јорган де Кастро, неодамна коментираше за тренингот со Џон Џонс.
„За ова чека две години. Се шета со 115,5 килограми и е многу силен и многу издржлив. Може да удира во вреќата непрекинато два часа и не успорува“, вели Јорган де Кастро и додава:
„Никогаш не е пријатно да се спарингува со него. Ако почувствува дека не може ништо да ви направи со техниката на удари, тогаш почнува да се бори, а ако сакате да станете, тогаш удира со лактите и колената. Малку борци можат да го направат тоа во тешка категорија. Сите имаат силни и тешки раце, а ретко кој може да комбинира борење и џиу-џицу. Разновидноста на Џонс ќе направи разлика“.
Де Кастро тврди дека Џон Џонс би го победил Стипе Миочиќ во нивниот евентуален судир.
„Не знам кој е подобар борач во тешка категорија од Џонс. И, ако е добар во борење, Џон е подобар во борење. Мечот против Миочиќ е совршен за него. Стипе е и тврд и добар боксер“, рече Јорган де Кастро и истакна:
„Мислам дека Џонс ќе го „помине“ Стипе, а ќе победи со технички нокаут“.
Спаринг партнерот на Боунс не знае дали Џонс ќе се соочи со актуелниот шампион Френсис Нгану.
„Го нема девет месеци, додека не заздрави коленото, а потоа треба да помине уште шест месеци во подготвителен камп. Џонс тогаш ќе има 35 години, а Френсис ќе има, што? Мислам дека Џонс ќе има уште една или две борби, најмногу три и тоа е тоа. Но, мечот против Џонс би бил многу тежок за Нгану“, подвлече Јорган де Кастро..
