Поранешниот предизвикувач за титулата во УФЦ и аналитичар Чаел Сонен верува дека поранешниот шампион на УФЦ во лесна категорија Хабиб Нурмагомедов е најдоминантниот борец на промоцијата на сите времиња. Претседателот на УФЦ, Дајна Вајт, неодамна ги именуваше најдобрите 5 во историјата на УФЦ, но „Орелот“ не се најде меѓу нив.
Вајт смета дека Хабиб прерано се пензионирал и поради тоа не може да биде меѓу великаните. Нурмагомедов беше шампион 1.077 дена, најдолго во историјата на лесна категорија. Тој го држи и рекордот за нокдаун во 1 борба. Хабиб го собори Абел Трухиљо 21 пат во нивната средба во 3 рунди во 2013 година.
Нурмагомедов се повлече со скор 29-0 и како светски првак. Загуби само 2 рунди во целата своја ММА кариера.
„Хабиб Нурмагомедов е најдоминантниот борец на сите времиња и тоа е докажано.
Има освоени повеќе рунди од којбило друг. Ова е доминација. Особено кога се борите со најдобрите од најдобрите – топ 10 момци, топ 5 борци, претенденти за титула, шампиони.
Навистина е импресивно“, рече Сонен на својот канал на Јутјуб.
