Словенија го слави вториот олимписки шампион во џудо на Олимписките игри во Рио де Жанеиро, откако Тина Трстењак стана победничка во категоријата до 63 кг. Првиот го освои Уршка Злонир пред четири години во Лондон.
Трстењак е водечка на ранглистата во својата категорија и се ослободи од улога на фаворит откако во финалето за помалку од две минути со ипон ја фрли Французинката Кларис Агбенену.
Бронзените медали станаа сопственост на Арден Џерба од Израел и Аника ван Емден од Холандија.
Трстењак денеска ги скрши срцата на бразилските навивачи, бидејќи ја згази Маријана Силва, а претставничката на домаќините не успеа да се соземе и загуби и во мечот за бронзата. Агбенену беше фаворизирана како кандидат за титулата, но, сепак, во Франција се враќа со сребро.
Франција, пак, е една од трите земји која има џудисти во сите категории во двете конкуренции. На Игрите во Лондон пред 4 години тие освоија 7 медали и беа исти само со Јапонија по тој основ.
– 63 кг
- Тина Трстењак (Словенија)
- Кларис Агбенену (Франција)
- Јарден Џерба (Израел) и Аника ван Емден (Холандија)
