Боксерската легенда Александар Усик се најде во епицентарот на неочекуван скандал во неговата татковина. Украинскиот супер шампион пред само неколку дена гордо го објави стекнувањето на докторат по филозофија на правото на Државниот универзитет во Харков.
Сепак, радоста на херојот на рингот беше краткотрајна. Академските кругови во Украина реагираа со тешки критики откако системот за проверка на плагијати регистрираше бројни неправилности во научната работа на боксерот.
Особено остра беше реакцијата на Светлана Вовк, водечка личност во организацијата против плагијати, која категорично побара одземање на научното звање на Усик и примена на законски санкции за ваквите прекршувања.
Сепак, веројатно нема да се преземат такви мерки против една од најомилените јавни личности во Украина, која има блиски односи со претседателот Володимир Зеленски. Без разлика, она што се случи несомнено влијаеше на имиџот на борецот.
Интересно, самиот Усик неодамна ги сподели своите амбиции за политичка кариера.
„Пред тоа ќе треба да одржам уште две борби во професионалниот ринг“, изјави боксерот кој не крие дека во иднина сонува да ја преземе функцијата министер за спорт.
