Новиот главен предизвикувач за титулата на УФЦ во тешка категорија – Сирил Гане не е скромен по неговата совршена победа над Дерик Луис во главниот меч на УФЦ 265.
31-годишниот Французин го здроби Црниот ѕвер и заслужено си честиташе за победата во третата рунда кога го притисна славниот противник на партер и по неколкуте брутални удари судијата го прекина мечот. Така, Гане обезбеди средба за појасот со Френсис Нгану.
Победата за Гане беше 10 -та по ред во професионалната ММА кариера, а европскиот борец не ја криеше радоста од совршено спроведениот меч.
https://twitter.com/philthemmadude/status/1424238402958807047?ref_src=twsrc%5Etfw%7Ctwcamp%5Etweetembed%7Ctwterm%5E1424238402958807047%7Ctwgr%5E%7Ctwcon%5Es1_&ref_url=https%3A%2F%2Fboec.bg%2Fmma%2Fsiril-gan-sled-pobedata-nad-lyuis-majstorsko-predstavyane%2F
„Како што реков пред мечот, сакав да го диктирам темпото и да ја водам борбата“, рече Гане.
„Начинот на кој заврши средбата беше токму она што го очекував на почетокот. Мојот настап беше на ниво на мастер класа. Без сомнение. Ме допре еднаш или двапати. Ми го привлече вниманието и ми ја наруши визијата до крајот на мечот, но на крајот тоа беше мајсторски настап од моја страна.
Добро го проучувавме и одбраната беше на стандард. Луис никогаш не ме удри 100 отсто. Привремениот појас значи многу, но сепак не можам да кажам дека сум најдобар. Пред мене е меч со Френсис Нгану, но се уште не знам кога ќе биде.
Можеби на крајот на годината ќе се соочам со Френсис, но сега само сакам да одморам и да се вратам во Европа“, додаде најсилниот привремен шампион.
