Непоразениот Шакур Стивенсон ја продолжи победничката серија. Шакур го победи Едвин Де Лос Сантос со едногласна одлука во Т-Мобиле арената во Лас Вегас и ја освои титулата на ВБЦ во лесна категорија.
Стивенсон доби можност да се бори за титулата откако појасот му беше одземен на Девин Хејни поради поместување нагоре.
Тоа беше 21. триумф во кариерата, кој го постигна рутински. Во не особено интересен меч Шугар со едногласна одлука на судиите (116-112, 115-113, 116-112) го совлада противникот од Доминиканската Република.
Во тактичкото надмудрување Американецот се држеше до планот и го изгради својот пат до победата без премногу ризик, добро се бранеше и ги избегнуваше нападите на противникот.
„Не барам изговор, знам дека мојот настап беше добар, но не се чувствував добро. Важна е само победата, и за тоа дојдов“, нагласи Шакур Стивенсон.
Шугар сега стана мамка за конкуренција во лесна категорија, а меѓу потенцијалните кандидати се Џервонта Дејвис, Васил Ломаченко, Исак Круз, Девин Хејни…
