Семи Шилт, едно од најпознатите имиња во кикбоксот, со гордост се навраќа на своето време во К-1.
Заедно со Питер Аертс, Бадр Хари, Ернесто Хуст и Реми Боњаски го стави кикбоксот во тешка категорија на светската мапа. К-1 не беше само натпревар, тоа беше спектакл. Привлече милиони гледачи, а натпреварите секогаш беа полни со жар. Според Шилт, ова било време кога одново и одново се барале најдобрите борци.
Во тие години видовме едни од најголемите борци кои ни ги дадоа и најголемите борби во историјата. Ова го нагласува и Шилт на својот профил на социјалните мрежи.
„Тие борби беа луди. Интензивно, експлозивно и незаборавно. Бевме генерација на великани и тоа едноставно не можете да го негирате. Сè што гледате сега е изградено врз основата што ја поставивме“, напиша Шилт.
Борците од ерата К-1 не само што победуваа во натпревари, туку и ги поставија стандардите за кик бокс. Нивниот стил, решителност и ривалството што го создадоа продолжуваат да ги инспирираат новите генерации борци. Рико Верховен можеби сега е крал на тешката категорија, но без оваа генерација, спортот никогаш не би бил таму каде што е денес.
View this post on Instagram
