Големиот вљубеник во боксот Турки Алалших откри дека сонува за реванш во тешка категорија меѓу Тајсон Фјури (36) и одамна пензионираниот, 48-годишниот Владимир Кличко.
Во ноември 2015 година Џипси Кинг го победи Кличко со едногласна одлука во Дизелдорф и ги освои светските шампионски појаси на ВБА (Супер), ИБФ и ВБО.
Владимир имаше уште еден меч после тоа кога загуби од Ентони Џошуа со прекин во 11. рунда во април 2017 година, а потоа се повлече.
Турки Алалших, шефот на спортски и забавни настани во Саудиска Арабија, открива дека би сакала да организира реванш меѓу Тајсон Фјури и Владимир Кличко.
Неговата екселенција сака да му понуди на Украинецот шанса да стане најстариот шампион во тешка категорија и да го собори рекордот на Џорџ Форман.
На 5 ноември 1994 година Биг Џорџ стана најстариот шампион во тешка категорија победувајќи го Мајкл Мурер, тој во тоа време имаше 45 години.
А на 21 декември Тајсон Фјури ќе боксира во реваншот против Александар Усик. Пресметката на двајцата актуелни најголеми тешкаши во светот сите со нетрпение ја очекуваат.
„Многумина со голем интерес ќе го следат дуелот меѓу Усик и Фјури, а особено Дубоа и Џошуа. И има уште една личност“, енигматично рече Турки Алалших, а потоа продолжи:
„ Колку би сакал да му дадам шанса на Владимир Кличко да стане најстариот шампион во тешка категорија во историјата, токму за тоа сонувам. Сакам да му дадам шанса, тоа би било совршено. Се разбира, тој не би се борел против Усик, бидејќи и двајцата се украински херои. Фјури би бил идеален противник. Верувам дека многумина би сакале да го видат тој реванш. Тие исто така би сакале да видат голема британска борба меѓу Фјури и Џошуа, но и Дубоа заслужува шанса“.
