Генералниот секретар на Руската боксерска федерација Татјана Кириенко рече дека рускиот тим планира да се натпреварува на Светското првенство за млади до 18 години.
„По одлуката на ИБА, сите патишта се отворени за нас. За еден месец планираме да одиме на Светско првенство за боксери од 17-18 години во Шпанија. Веруваме дека ќе ве задоволиме со добри резултати“, рече Кириенко за ТАСС.
Последната информација е дека 50 репрезентативци на Русија добиле повик за мобилизација.
На 5 октомври Меѓународната боксерска асоцијација (ИБА) ја укина суспензијата на руските и белоруските боксери за меѓународни натпревари, која беше во сила од 4 март. Претседателот на ИБА, Умар Кремлев, истакна дека оваа одлука го става спортот над политиката.
Кремлев ја води организацијата од 2020 година. На 14 мај беше реизбран за прв човек на федерацијата, а на 25 септември беше потврден на функцијата. Сега боксерите од Русија и Белорусија ќе можат да се натпреваруваат на меѓународната арена под национални знамиња и со химните на нивните земји.
На 7 октомври, Шведската боксерска федерација објави дека шведските спортисти нема да учествуваат на турнирите на кои ќе се натпреваруваат Руси. Светското младинско првенство во бокс ќе се одржи во Ла Нусија (Шпанија) од 14 до 26 ноември.
