Изгледа дека наскоро би можеле да дознаеме против кого и кога поранешниот светски шампион Енди Руиз Јуниор повторно ќе се најде во рингот.
„Наскоро доаѓаат големи вести“, објави Руиз на социјалните мрежи во понеделникот вечерта, веднаш ја заскокотка фантазијата на фановите на боксот.
Од порано е позната идејата за меч со Луис Ортиз, но Руиз потенцираше дека пред потенцијалната средба со кубанскиот ветеран, би сакал да направи меч „за загревање“.
Непосредно по најавата на Руиз (33-2), синоќа се огласи и познатиот боксерски инсајдер Мајк Копингер кој ни открива дека враќањето на поранешниот шампион во тешка категорија се планира за август. Копингер издвојува и две имиња до кои стигнал преку негови извори. Според него, Руиз може да бира меѓу Адам Канак (20-0) и Крис Ареола (38-6-1).
Кога се споменува непоразениот 30-годишен Полјак, треба да се потенцира дека тој следниот викенд ќе има меч со Роберт Хелениус (29-3), а со тоа исходот од таа средба би можел да влијае на развојот на ситуацијата на Руиз.
Од друга страна, поранешниот предизвикувач Ареола во моментов нема договор за борба, а во неговиот последен настап загуби токму од Ковнацки со едногласна одлука на судиите.
