Роберто Солдиќ стана двократен шампион на КСВ. Покрај појасот за шампион во полусредна категорија, хрватскиот ММА борец сега додаде и титула во средна категорија.
Робокап ја победи легендата на КСВ Мамед Халидов со нокаут во втората рунда на настанот КСВ 65 во Гливице, Полска.
Халидов веднаш ја запоседна средината на октагонот, а Солдиќ успешно се одбрани. Роберто беше многу претпазлив на почетокот на мечот, па чекаше прилика да го загрози противникот.
Мамед успеа да го собори, но хрватскиот борец се одбрани и ја крена борбата на нозе.
Во втората рунда Солдиќ брзо го собори противникот и се обиде да му се закани со лактот. При станувањето Роберто го удира неколку пати, а еден од тие обиди заврши на незгодно место, па борбата за момент беше прекината.
Хрватот продолжи да притиска. И двајцата си разменија уште неколку удари, по што следеше фантастична контра на Роберт која заврши со нокаут.
Ова е седма победа во низа за Солдиќ и 20-та во кариерата.
Во борбата за титулата, Салахдин Парнасе по пет рунди го победи Даниел Торес и си ја врати титулата во лесна категорија.
Германецот Лом-Али Ескиев беше подобар од домашниот борец Дамијан Стасијак и славеше со едногласна одлука на судиите.
Во полската пресметка, Роман Шимањски го победи Матеуш Легиерски со прекин во втората рунда, нанесувајќи му го првиот пораз во кариерата.
Успешен беше и Михал Кита кој го победи Марек Самоциук со технички нокаут, но во првата рунда.
Демијан Пивоварчик во атрактивен меч во втората рунда го совлада Германецот Марк Дусис, стигнувајќи до триумфот со завршница (триаголник на раката).
Резултати од КСВ 65:
Роберто Солдиќ – Мамед Халидов – КО, Р2 (3:40)
Салахдин Парнас – Даниел Торес – едногласна одлука на судиите
Лом-Али Ескијев – Дамијан Стасијак – едногласна одлука на судиите
Роман Шимански – Матеуш Легиерски – ТКО, Р2 (4:47)
Михал Кита – Марек Самоциук – ТКО, Р1 (3:22)
Адам Ниџевиџ – Мирослав Брож нерешено
Демијан Пивоварчик – Марк Дусис – завр. (триаголник на рака), Р2 (2:22)
Анита Бекус – Магдалена Шормова – едногласна одлука на судиите
Патрик Ликус – Пјотр Олшинка – КО, Р2 (4:59)
Шамад Ерзанукаев – Бартош Ревера – едногласна одлука на судиите
