За две недели младите каратисти на Македонија имаа две можности да изборат место во репрезентацијата за Светското првенство за кадети, јуниори и јуниори 21 во Шпанија, секако првата со повисок коефицинет беше Државното изборно првенство пред две седмици и вчера Бергер турнирот.
Во суштина фаворите ги оправдаа очекувањата, но имаше и неколку позитивни изнендаувња вчера, бидејќи Бергер турнирот е со хендикеп, затоа што има коефициент 2, Државното 3, така што е многу тешко да се стигне првиот.
Најпријатно изненадување е јуниорот Роберто Ацковски (-68 кг) од Металург кој го победи првопласираниот на Државното изборно првенство Марко Костов Олимпик спорт со 8-0, но ги доби и другите две борби, додека Костов ги загуби мечевите и со Глигор Петков-Металург и Адријан Махмути – Фати. Така Ацковски си обезбеди место во репрезентацијата.
Клупскиот другар на Костов, Фаик Весели, квалитетен картист и медалист од Европското првенство, треба да жали за грешката што ја направи, односно инциденот, за кој со неговиот противник Усаме Бајрами – Металург добија шикаку/дисквалификација. Засега место во репрезентацијата има за Дагин Фејзули – Фати.
Можеби најголемо изненадување е освојувачката на бронзениот медал од сениорското Европско првенство Јована Георгиева – Македонка. Таа на Изборното беше поразена од трикртаната европска медалистка на ЕП за кадети, јуниори и У-21 Моника Пендароска со убедливи 5-0, а на Бергерот не се појави во У-21 до 55 кг.
И во категоријата до 55 кг кај јунироите имаше интересна пресметка меѓу европските медалисти Столе Смилков – Олимпик спорт и Абдурахим Идризи – Макпетрол. Столе беше прв, а Абдурахим трет на Изборното. Идризи убедливо ги совлада сите противници, вклучувајќи го и алтуелниот државен првак Смилковски. Но поради системот на бодување, најверојатно не ќе може да ја претставува Македонија на Светското првенство.
Меѓу оние кои потфрлија вчера е Марија Милева (-47 кг, кадети), а беше прва на Изборното.
Од друга страна, фаворитите, од кои може и да очекуваме некој од нив да освои медал на Светското првенство ги опрвадаа очекувањата. Тоа се Петар Спасеновски (-84 кг), Семир Ќоосвиќ (+84 кг), Петар Заборски (-67 кг), Димитар Илиевски (-67 кг) и Давид Петков (-60 кг) во У-21, кај жените Ана Савиќ (+68 кг), Ангела Мојсовска (-68 кг), Вероника Костовска (-61 кг), Моника Пендаровска (-55 кг) и Азра Цури (-50 кг).
Кај кадетите Иво Мишачковски, Христијан Стојановски, Марио Свинарски, Дритон Халими, како и Марија Петровска, Викторија Јовановска. Јуниорите Филип Несторовски, Вегим Мурати, Столе Смилковски (Абдурахим Идризи) и јуниорките Симона Симовска, Вјлоца Гафури и Драгна Манговска.
Во делот на катите сестрите Димоски, Маријана и Мишела, покажаа дека се неприкосновени во кати, а Маријана е прва во кати поединечно во У-21. Кај јуниорите Камческа и Јован Васиќ се најдобри, а Владнака Авраммова и Александар Неделковски меѓу кадетите, додека во У-21 Маријана Димоска и Ферри Исиќ.
Во кати екипно кадети-јуниори Урбан инвест-жени и Гладијатор-мажи се најдобри.
Сепак, не е сигурно дека сите ќе патуваат на СП што обезбедија први места, бидејќи има еден на квалитетен критериум со кој се бараат и број на победи. Но, не е само тоа, најверојатно и ИО на КФМ ќе одлучува за патниците во Шпанија. Или, како што велат на шега тренерите, сигурни се само функционерите.
Ipon.mk/В.Д.
