Нашиот истакнат борец и тренер во ММА, БЏЏ и џудо, Ристо Димитров, кој работи во Оман, е избран во најдобрите пет здравствени тренери во светот од престижниот магазин Левел ап.
„Имав чест да бидам избран за еден од најдобрите 5 здравствени тренери во светот од престижниот Левел ап магазин.
Ви благодарам Левел ап што ми ја дадовте оваа чест и ова ќе ме мотивира да работам подобро и потешко!“, напиша на Фејсбук Ристо Димитров по повод ова признание!
„Ристо Димитров од Македонија е генерален менаџер на Памп фитнес Оман, боречки уметник и тренер, професионален ММА борец, црн појас во џудо и натпреварувач на маратонска и спартанска трка. Покрај неговите фитнес потфати и достигнувања, тој е и амбасадор на брендот за Геторејд. Тој е олицетворение на здрав начин на живот и ги инспирира другите да донесуваат одлуки кои го вклучуваат фитнесот како задолжителен фактор. Тој и неговите партнери ја создадоа првата мобилна теретана која им го дава најдоброто вежбање на луѓето, дури и за време на пандемијата. Тој е и професионален носител на ММА појас што е одраз на неговата страст за боречки вештини, здравје и фитнес. Неговиот бренд Pump Fitness ја има најдобрата опрема за тренинг, мотивирачки тренери и единствена услуга од која нема да се откажете. Тој е категоричен да всади фитнес чуда кај сите и да ги трансформира нивните животи. Го живее животот според мислата: „Ако на секој поединец можевме да му дадеме соодветна количина на исхрана и вежбање, ни премалку ни премногу, ќе го најдевме најбезбедниот пат до здравјето“ – Хипократ“, пишува во образложението за Димитров.
