Откако на почетокот на оваа година уште еднаш покажа зошто го нарекуваат „крал на кик боксот“, Рико Верховен викендов се враќа во рингот. Годинава победи на Големата награда на Глори во тешка категорија, каде уште еднаш покажа дека другите тешкаши навистина ништо не му можат, а во финалето го победи Леви Ригтерс.
Заедно со Леви Ригтерс викендов ќе го предводат настанот Глори Колишн 7, а тоа е одлична можност Ригтерс да му се реваншира за поразот во финалето на турнирот во тешка категорија. Ова ќе биде четврта борба за Рико во оваа календарска година, а тој навистина немал толку многу за толку краток период.
Настанот е Колишн 7, а освен што е крал на кик боксот, Рико го нарекуваа и крал на Колишн. Верховен досега се појавил во настаните Колишн 1 и 2 кога го победи Бадр Хари, а Џамал Бен Садик на настанот Колишн 3. Тој го победи поранешниот привремен шампион на настанот Колишн 6, па шемата ви е јасна. Најголемите настани на Глори не можат да поминат без нивната најголема ѕвезда, а во организацијата Рико не е поразен од 2012 година.
По поразот во финалето на турнирот Леви Ригтерс настапи уште двапати. Настапи и на настанот Глори 95 во Загребската арена и во таа прилика со прекин во третата рунда го совлада Бахрам Раџабзаде. Во сабота ќе видиме дали ќе може да продолжи со победничкиот момент, иако, се е на страната на легендарниот шампион.
Глори Колишн 7 на распоредот е оваа сабота, а не очекува многу добар настан со многу големи имиња. Додека ја чекаме сабота, да го погледнеме видеото во продукција на Глори, односно да видиме зошто Верховен е „Кралот на Колипн“:
