За време на сезоната во Ријад минатиот викенд, каде што се собра целиот свет на боречки вештини, Рико Верховен даде впечатлива изјава. Легендата на кикбоксот застана пред камерата по боксерскиот меч меѓу Тајсон Фјури и Александар Усик да им се обрати на своите фанови. Рико очигледно е инспириран од боксерските натпревари и сака да направи еден против Френсис Нгану:
„Време е да се направи нешто лудо. Не мислите ли? Френсис Нгану се плаши од моите тупаници“, рече Рико.
Според упатените, Нгану цели на уште еден боксерски меч, поточно оној против Дионтеј Вајлдер. Иако фановите би сакале да видат борба меѓу Верховен и Нгану, тој сон засега изгледа далеку. Двајцата борци се познати по нивната сурова моќ и импресивни перформанси.
Во моментов тоа изгледа невозможно, но веќе видовме дека ништо не е невозможно за Арапите. Последниве години го оживеаја боксот и организираа големи борби кои не можевме да ги видиме пред нив. Засега останува да видиме дали Нгану ќе ги преиспита плановите и ќе го прифати предизвикот на Верховен.
View this post on Instagram
