На престижниот Меѓународен турнир во борење „Медвед“ во Минск, Белорусија, македонскиот репрезентативец Ахмад Магомедов се пласира во финалето.
Утре ако го победи Русинот Абдулаев ќе добие награда до 3000 долари.
Македонија учествува со двајца репрезентативци на овој турнир, Владимир Егоров и Ахмат Магомедов. Егоров во категоријата до 61 килограм загуби од турски борач 1-4
Во категоријата до 79 кг има 23 натпреварувачи, а Магомедов 1/16 финале беше слободен, потоа извојува три победи за пласман во финалето. Прво славеше со 6-0 против Богдан Грибанов од Русија, па совлада Казахстанецот Саид Сајдулов 8-0 и во полуфиналето го победи рускиот борач Џамал Ахмадудинов со туш при водство од 9-3.
